"Тоттенхэм" ярим ҳимоячиси Жовани Ло Чельсо қишда клубини ўзгартириши мумкин.
Ўтган ёзда аргентиналик футболчи "Барселона"нинг трансфер мақсади бўлган, аммо каталонияликлар у учун таклиф билан чиқишмаган, чунки улар "шпорлар"нинг талабларини жуда юқори деб билишган. Football Insider хабарига кўра, "Тоттенхэм" январь ойида Ло Чельсони сотишга тайёр. 27 ёшли футболчи бу мавсумда Анге Постекоглоунинг режаларига киритилмаган.
Жовани ло Чельсонинг "Тоттенхэм" билан амалдаги шартномаси 2025 йилгача мўлжалланган. Манбага кўра, Лондон клуби ярим ҳимоячини 12 миллион фунт стерлингга (деярли 14 миллион евро) баҳоламоқда.
