Мадриднинг «Реал» клуби ярим ҳимоячиси Эдуардо Камавинга Карло Анчелотти жамоаси билан янги шартнома имзолашга яқин.
Журналист Фабрицио Романо хабарига кўра, янги шартнома шартларига кўра, франциялик ярим ҳимоячининг маоши оширилади. Шартномада катта миқдорда компенсация ҳам назарда тутилади.
Эслатиб ўтамиз, Камавинга 2021 йилнинг ёзида «Ренн»дан Мадридга кўчиб ўтганди. Француз «қироллик клуби» учун икки мавсумни ўтказишга муваффақ бўлди.
Жорий мавсумда Камавинга Испания чемпионатида 7 та ўйинда майдонга тушди, бироқ бирорта ҳам самарали ҳаракатга эриша олмади.
