«Бавария» ва Германия терма жамоасининг собиқ ҳимоячиси, ҳозирда эркин агент мақомида бўлган Жером Боатенг Испания чемпионатига ўтиши мумкин.
Todofichajes журналистларининг ёзишича, Мадриднинг «Реал» клуби 35 ёшли футболчининг хизматларига қизиқмоқда, улар Эдер Милитаога ўринбосар қидирмоқда.
Бразилиялик футболчи тиззасидан олган жароҳати туфайли узоқ муддатга сафдан чиқди. «Реал» Жеромни мавсум охиригача ижарага олиши мумкин.
Боатенгнинг сўнгги клуби «Лион» бўлган. Немис ўтган ёзда жамоани тарк этганди. Ҳимоячи Лига 1да ўтган мавсумда «Лион» таркибида 8 та ўйинда майдонга тушди.
