Мадриднинг «Реал» клуби марказий ҳимоячиси Антонио Рюдигернинг жароҳати жамоанинг тиббий штаби хавфсираган даражада жиддий эмас.
Журналист Мелчор Руизнинг маълумотларига кўра, немис футболчиси енгил жароҳат олган. Антонио «Жирона»га қарши ўйинга қадар тузалиб кетиши мумкин.
«Реал Мадрид» бош мураббийи Карло Анчелотти кеча «Лас-Пальмас» устидан қозонилган ғалабадан сўнг матбуот анжуманида Рюдигернинг «Жирона»га қарши ўйнай олмаслигини айтди. Бироқ, эрталабки тестлар ижобий натижа кўрсатди, бу немисга жангда қатнашиш умидини беради.
