Испаниянинг "Реал Сосьедад" клуби ярим ҳимоячиси Мартин Субименди фаолиятини Англия Премьер-лигасининг топ-клубида давом эттиради, бу ҳақда Todofichajes журналистлари хабар бермоқда.
Манбага кўра, ярим ҳимоячининг янги иш жойи Лондоннинг "Арсенал" клуби бўлади. Томонлар музокаралар олиб борди ва ёзги трансфер ойнасида Субимендининг трансфери борасида келишиб олди. Битим суммаси 60 миллион еврони ташкил қилади.
Испания чемпионатининг жорий мавсумида Мартин еттита ўйинда майдонга тушиб, битта гол урди ва сариқ карточка олди. Ярим ҳимоячи ва "Реал Сосьедад" ўртасидаги амалдаги шартнома 2027 йилнинг июнь ойи охиригача амал қилади.
