"Наполи" ҳимоячиси Жованни ди Лоренцо "Реал"га қарши бўлиб ўтадиган Чемпионлар лигаси гуруҳ босқичи 2-тур учрашуви ҳақида гапирди.
Италиялик футболчи неаполликлар кучли жамоа билан тўқнаш келишга тайёр эканликларини ва уларга муаммо туғдириш учун ҳамма нарсани қилишларини айтди.
"Реал" Чемпионлар лигасида ўзини уйидагидек ҳис қилмоқда, улар бу совринни кўп марта қўлга киритишган, аммо биз ўйинга тайёрмиз, биз уйда тўлиқ трибуналар қаршисида ўйнаймиз ва уларга муаммо туғдириш учун қўлимиздан келганини қиламиз" - деди Лоренцо Tuttomercatoweb билан суҳбатда.
"Наполи" - "Реал Мадрид" учрашуви эртага, 3 октябрь куни Неаполда бўлиб ўтади. Ушбу учрашувнинг бошланиши Тошкент вақти билан 23:59 га белгиланган.
