Тите анчадан бери мураббийлик қилмаяпти. ЖЧ-2022дан сўнг ушбу мутахассис Бразилия терма жамоаси бошқарувчиси лавозимини тарк этди. Ўша жаҳон футбол форумида жамоа чорак финалга йўл олганди.
Яқин орада Тите ўз ватанида ишлашга қайтиши мумкин - "Фламенго" уни жамоа бошқарувида кўрмоқчи. Бироқ 62 ёшли мутахассис ва клуб ўртасида ҳалигача келишув йўқ.
Журналист Руди Галеттининг ижтимий тармоқларда ёзишича, “Фламенго” келишувни имкон қадар тезроқ ёпишни истайди, бироқ келишмовчиликлар сақланиб қолмоқда. Агар яқин кунларда масала ҳал этилмаса, клуб бошқа номзодларга ўтади.
