"Интер Майами" хўжайини Хорхе Мас жамоа ҳужумчиси Лионель Мессига МЛС клубига ўтишидан олдин берган ваъдаси ҳақида гапирди.
“Месси “Барселона”ни ўз хоҳиши билан тарк этмаган. Вазият Лионель хоҳлагандек бўлмади. Лекин мен унга Барселонадаги мухлислари билан хайрлашиш имконига эга бўлиши учун имкон қадар тезроқ ҳамма нарсани қилишга ваъда бердим. Балки биз қандайдир ўйин ўтказармиз", - дея Мас сўзларидан иқтибос келтиради Marca газетаси.
Аргентиналик футболчи ўтган ёзда "Интер Майами"га ўтиб, 2025 йил охиригача шартнома имзолаган эди. У клуб учун 12 та ўйин ўтказиб, 11 та гол ва 5 та голли узатмани амалга оширган.
