Испания терма жамоаси бош мураббийи Луис де ла Фуэнте вингер Ламин Ямални Лионель Месси ва Диего Марадона билан солиштирди.
Spanish Sport хабарига кўра, «Барселона» мутахассиснинг сўзларидан норози бўлган - каталонияликлар 16 ёшли футболчини кучли босим ва эътибордан ҳимоя қилишга ҳаракат қилмоқда.
Аввалроқ «Барселона» бош мураббийи Хави Ямални Месси билан солиштирмасликка чақирганди. «Кўк-анорранглилар» бош мураббийи баъзи футболчилар аввалроқ Лео билан таққосланганини ва якунда улар катта юлдузга айланмаганини эслади.