"Манчестер Сити"нинг ҳужумкор ярим ҳимоячиси Жек Грилиш ҳужумчи Эрлинг Холанд ҳақида ўз фикрларини билдириб ўтди.
Лондоннинг “Арсенал” жамоасига қарши ўйин арафасида журналистлар инглиз футболчисидан икки ўйинлик голсиз серия билан муҳим учрашувга яқинлашиб келаётган норвегиялик форвард ҳақида гапиришни сўрашди: “Биринчи марта бирга машғулот ўтказганимизни эслайман, ҳозир орадан бир йил ўтди. Одамлар кўпинча Эрлингнинг жуда жиддий кўринишини айтишади, лекин у ҳазил қилишни яхши кўради. У доимо майдондан ташқарида ҳазил қилади", - дея Грилишнинг сўзларини келтиради "Манчестер Сити" матбуот хизмати.
Якшанба куни "Арсенал" ва "Манчестер Сити" ўртасидаги учрашув бўлиб ўтади. Бошланиш ҳуштаги Тошкент вақти билан 20:30 да янграйди.
