Исроил ва Швейцария терма жамоалари ўртасидаги 2024 йилги Европа чемпионати саралаш баҳси 15 ноябрь куни бўлиб ўтади.
УЕФА хабарига кўра, учрашув ўтказиладиган жой кейинроқ маълум қилинади. Аввалроқ Европа Иттифоқи Исроилда ўтказилиши режалаштирилган барча ўйинларни уруш туфайли кейинга қолдирган эди.
“УЕФА вазиятни диққат билан кузатишда давом этади ва янги саналар ва Исроил иштирокидаги бошқа бўлажак ўйинларга ўзгартиришлар киритиш тўғрисида қарор қабул қилишдан олдин барча иштирокчи жамоалар билан алоқа ўрнатади”, — дейилади УЕФА матбуот баёнотида.
Саралаш гуруҳ жадвалида Исроил Швейцария ва Руминиядан кейин учинчи ўринда бормоқда.
