Коуадио Коне "Бавария"га ўтиши мумкин.

Bild нашрининг хабарига кўра, мюнхенликлар вакиллари Менхенгладбахнинг "Боруссия" клуби билан боғланиб, ярим ҳимоячининг трансферини муҳокама қилишган.

Ҳозирча Германия чемпионлари футболчининг ўйинларини кузатишда давом этиб, бу имкониятни баҳолашмоқда. Тахминларга кўра, франциялик футболчини унчалик катта бўлмаган суммага сотиб олиш мумкин, чунки унинг шартномаси 2025 йилнинг ёзига қадар мўлжалланган.

Шу билан бирга, Rheinische Post газетасининг таъкидлашича, "Боруссия" шартномани бир йилга узайтириш имкониятига эга.

Коне жароҳати туфайли Бундеслигада бу мавсумда атиги иккита ўйин ўтказди.