"Ньюкасл" бош мураббийи Эдди Хау жамоа ҳимоячиси Дэн Бёрн билан шартнома узайтирилгани ҳақида фикр билдирди.
"Дэн майдонда ҳам, майдон ташқарисида ҳам етакчи, шунинг учун биз у биз билан шартномасини узайтирганидан хурсандмиз. У жамоамизнинг асосий ўйинчиси ва у келганидан бери бизнинг тараққиётимизда катта роль ўйнади. У биз билан муваффақиятга эришмоқчи, бу клуб тараққиётига ёрдам беради", - деди Хау клуби матбуот хизматига.
Бугун, 13 октябрь куни "Ньюкасл" клуби Бёрн билан шартномани 2025 йилгача узайтиришини маълум қилди.
31 ёшли Бёрн ўтган йилнинг январь ойидан бери "Ньюкасл"да ўйнаб келмоқда. Жорий мавсумда футболчи барча турнирларни ҳисобга олган ҳолда ўнта ўйинда иштирок этди ва иккита гол урди.