Аргентина терма жамоаси ҳужумчиси Лионель Месси ЖЧ-2026 саралаш босқичидаги навбатдаги ўйин олдидан ўзининг ҳолати ҳақида гапирди.
"Клубда жуда оз вақт ўтказганимдан кейин терма жамоага келдим. Мураббийлар штаби билан гаплашдик ва ҳафта давомида ўзимни қандай ҳис қилганимни кўришга қарор қилдик. Бизнинг мақсадимиз – кейинги учрашув олдидан имкон қадар кўпроқ машғулотлар ўтказиш", – деди аргентиналик футболчи ESPN билан суҳбатда.
Аргентинанинг навбатдаги саралаш ўйини Перуга қарши бўлади. Учрашув 18 октябрь куни Тошкент вақти билан соат 07:00да бошланади.
