Ҳуқуқлари "Лечче"га тегишли бўлган 18 ёшли ҳимоячи Патрик Доргу фаолиятини Англия Премьер-лигасида давом эттириши мумкин. Бу ҳақда La Gazette Dello Sport журналистлари хабар бермоқда.
Манбага кўра, иқтидорли футболчига "Ливерпуль" қизиқиш билдирмоқда. "Қизиллар" Доргуни Эндрю Робертсонга узоқ муддатли муқобил сифатида сотиб олмоқчи.
Патрик Италия чемпионатига ўтган ёзда Даниядан кўчиб ўтганди. Жорий мавсумда ҳимоячи барча турнирларда тўққизта ўйинда қатнашиб, битта голли узатмани амалга оширди. Transfermarkt портали экспертлари ҳимоячининг нархини 2,5 миллион еврога баҳоламоқда.
