"Реал Мадрид"нинг асосий таркибдаги ўрнини йўқотган хорватиялик фахрий юлдуз Лука Модрич бошқа Европа юлдузларидан ўрнак олиб, Саудия Арабистони чемпионатига йўл олиши мумкин.
Todofichajes нашрининг хабарига кўра, Саудия Арабистони клублардан бирининг вакиллари аллақачон тажрибали футболчи билан учрашиб, у билан ҳамкорликни муҳокама қилишган.
Луканинг МЛСда ҳам варианти бор, унга "Интер Майами" қизиқмоқда. Бироқ, томонлар ўртасидаги музокаралар ҳалигача ижобий олиб борилмаган.
Модричнинг "Реал" билан амалдаги шартномаси келаси йилнинг ёзида тугайди.
