2024 йилги Европа чемпионати саралаш босқичининг еттинчи турида Португалия терма жамоаси Словакия термаси устидан қийин ғалабага эришди ва Криштиану Роналду иккита гол уришга муваффақ бўлди.
У биринчисини пенальтидан, иккинчисини майдондан киритди.
Шу тариқа, буюк форвард ўз мамлакати терма жамоаси сафида урган голлари сонини 125 тага етказди – бу маррага ҳали ҳеч ким эриша олмаган.
Шундай қилиб, Португалия терма жамоаси ушбу муваффақият эвазига Европа чемпионатининг финал қисмига йўлланмани қўлга киритди.
Кейинги саралаш учрашувида португаллар Босния ва Герцеговина терма жамоасига қарши майдонга тушади.
