"Монца" ярим ҳимоячиси Андреа Колпани "Интер" қизиқиш доирасига тушиб қолди, бу ҳақда Tuttosport журналистлари хабар бермоқда.
Журналистларнинг хабар беришича, “нерадзурри” раҳбарияти 24 ёшли футболчининг трансфери бўйича таклиф тайёрламоқда. Агар томонлар келишувга эришса, келишув январ ойидаги трансфер ойнасида расмийлаштирилади.
Ярим ҳимоячи ўтган ёздан бери "Монца"да ўйнайди. Томонлар ўртасидаги амалдаги меҳнат шартномаси муддати 2028 йил июн ойи охиригача ҳисобланади.
А Сериянинг жорий мавсумида Колпани саккизта ўйин ўтказиб, тўртта гол урди.