"Манчестер Юнайтед" ҳужумчиси Антони Марсьяль қишки трансфер ойнасида сотилиши мумкин.
Хабарингиз бор, франциялик футболчини Эрик тен Хаг асосий таркиб футболчиси деб ҳисобламайди. Журналист Алекс Крукнинг сўзларига кўра, “Манчестер Юнайтед” 27 ёшли футболчидан халос бўлишга аҳд қилган: унинг январда кетиши эҳтимолини ошириш учун клуб аввалгисига нисбатан анча арзонлаштирилган нархда сотувни тасдиқлашга тайёр.
Transfermarkt экспертлари Антони Марсьялнинг нархини 15 миллион еврога баҳоламоқда. Футболчининг "Манчестер Юнайтед" билан шартномаси мавсум охирида тугайди, бироқ автоматик равишда бир йилга узайтириш имкониятини кўзда тутади.