Душанба куни ҳужумчи Лионель Месси Аргентина терма жамоаси билан тўлиқ машғулот ўтказди. Маҳаллий матбуотнинг ёзишича, Месси Перуга қарши ўйинни дастлабки дақиқалардан бошлаши мумкин.
Сешанбадан чоршанбага ўтар кечаси Перу ва Аргентина терма жамоалари ўртасидаги ЖЧ-2026 саралаш баҳси бўлиб ўтади.
"Месси яхши, у машғулотлар вақтини яхшиламоқда. Эртага унинг ўйиндаги иштироки бўйича қарор қабул қиламиз", - деди Аргентина терма жамоаси бош мураббийи Лионель Скалони журналистларга.
Эслатиб ўтамиз, сўнгги саралаш ўйинида Аргентина Парагвайни минимал 1:0 ҳисобида мағлуб этганди. Иккинчи бўлимда Лионель Месси захирадан майдонга тушди.