Dushanba kuni hujumchi Lionel Messi Argentina terma jamoasi bilan to‘liq mashg‘ulot o‘tkazdi. Mahalliy matbuotning yozishicha, Messi Peruga qarshi o‘yinni dastlabki daqiqalardan boshlashi mumkin.
Seshanbadan chorshanbaga o‘tar kechasi Peru va Argentina terma jamoalari o‘rtasidagi JCH-2026 saralash bahsi bo‘lib o‘tadi.
"Messi yaxshi, u mashg‘ulotlar vaqtini yaxshilamoqda. Ertaga uning o‘yindagi ishtiroki bo‘yicha qaror qabul qilamiz", - dedi Argentina terma jamoasi bosh murabbiyi Lionel Skaloni jurnalistlarga.
Eslatib o‘tamiz, so‘nggi saralash o‘yinida Argentina Paragvayni minimal 1:0 hisobida mag‘lub etgandi. Ikkinchi bo‘limda Lionel Messi zaxiradan maydonga tushdi.