Португалия терма жамоаси биринчи бўлимда Босния ва Герцеговинага ҳеч қандай имконият қолдирмади.
Боснияликлар Евро-2024 саралаш баҳсининг 41-дақиқасигача жавобсиз бешта гол ўтказиб юборишди. Португалияликлар сафида голларга дубль қайд этган Криштиану Роналду, шунингдек, Бруну Фернандеш, Жоау Канселу ва Жоау Феликс муаллифлик қилишди.
MisterChip хабарига кўра, Босния ва Герцеговина терма жамоаси ўз тарихида биринчи марта танаффусда бешта гол фарқи билан мағлуб бўлди.













