Финляндия терма жамоаси бош мураббийи Маркку Канерва 2024 йилги Европа чемпионати саралаш ўйинида Қозоғистондан қабул қилинган сенсацион мағлубият (1:2) ҳақида фикр билдирди.
- Учрашув тўлиқ назоратимиз остида ўтди. Ҳеч қачон бундай мағлубиятлар бўлмаслиги керак... Яна бир гол уришимиз керак эди. Бу, албатта, фарқ қилади. Аммо ишлар режадагидек кетмади.
— Октябрь ойидаги ўйинлар натижаларини қандай баҳолаган бўлардингиз?
- Словенияда бизни ерга уришди (0:3 - муаллиф). Ҳозир биз кўтариладигандек туюлдик, аммо кейин ҳақиқий нокаут зарбаси келди. Энди биз йиғилиб, март ойида бўладиган плей-оффга тайёргарликни бошлашимиз керак" - деди мураббий Sports.kz билан суҳбатда.
