«Реал Мадрид» бош мураббийи Карло Анчелотти Лука Модрич билан унинг жамоадаги ролини муҳокама қилди.
38 ёшли ярим ҳимоячи жорий мавсум бошидан буён асосий таркибда камроқ майдонга тушмоқда, у бундан унчалик мамнун эмас, аммо, маълумки, у мавсум охиригача клубини ўзгартиришни режалаштирмаяпти.
Испания матбуоти хабарига кўра, Анчелотти яқинда хорватиялик билан шахсий учрашув ўтказиб, вазиятни муҳокама қилган.
Қайд этилишича, мураббий ва футболчи ўртасида ҳеч қандай муаммо йўқ. Томонлар клуб манфаатлари биринчи ўринда туришига келишиб олдилар.
Лука Модричнинг «Реал» билан шартномаси жорий мавсум охиригача амал қилади. Ўтган ёзда ярим ҳимоячи Саудия Арабистонидан келган фойдали таклифларни рад этгани ҳақида миш-мишлар тарқалган эди.
