Германия чемпионатининг энг қиммат футболчилари рейтингида «Бавария» ҳужумчиси Харри Кейн ва мюнхенликлар ярим ҳимоячиси Жамол Мусиала етакчилик қилди.
Бугун, 18-октябрь куни Transfermarkt портали Бундеслига футболчиларининг қийматини янгилади. Илгари 110 миллион еврога баҳоланган Мусиала бу кўрсаткич бўйича ягона етакчи эди. Бироқ, энди Кейн унга етиб олди - футболчининг янги нархи 110 миллион еврони ташкил этди.
Жорий мавсумда Мусиала барча турнирларни ҳисобга олган ҳолда саккизта учрашувда қатнашиб, битта гол урди ва иккита голли узатмани амалга оширди.
Кейн «Бавария» сафида ўнта ўйинда 9 гол ва 5 голга ассистентлик қилган.
