«Интер» сафида тўп тепаётган 25 ёшли италиялик ҳимоячи Федерико Димарко фаолиятини Англия премьер-лигасининг топ-клубида давом эттириши мумкин.
Бу ҳақда Calciomercato журналистлари хабар берди.
Футболчининг хизматларига «Манчестер Юнайтед» қизиқиш билдирмоқда. «Қизил иблислар» бош мураббийи Эрик тен Хаг жамоада жароҳатлар туфайли кадрлар етишмаслиги сабабли ҳимояни кучайтириш ниятида.
Димарконинг трансфери қишки трансфер ойнасида якунланиши мумкин. Федериконинг миланликлар билан шартномаси 2026 йилнинг ўрталарига қадар тузилган.
Ҳимоячининг трансфер қиймати 45 миллион еврога баҳоланмоқда.
