«Inter» safida to‘p tepayotgan 25 yoshli italiyalik himoyachi Federiko Dimarko faoliyatini Angliya premyer-ligasining top-klubida davom ettirishi mumkin.
Bu haqda Calciomercato jurnalistlari xabar berdi.
Futbolchining xizmatlariga «Manchester Yunayted» qiziqish bildirmoqda. «Qizil iblislar» bosh murabbiyi Erik ten Xag jamoada jarohatlar tufayli kadrlar yetishmasligi sababli himoyani kuchaytirish niyatida.
Dimarkoning transferi qishki transfer oynasida yakunlanishi mumkin. Federikoning milanliklar bilan shartnomasi 2026 yilning o‘rtalariga qadar tuzilgan.
Himoyachining transfer qiymati 45 million yevroga baholanmoqda.
