Ўтган йили Марио Балотелли ўз мамлакати терма жамоасига қайтиш имкониятига эга бўлди, у ўқув йиғин машғулотларига таклиф қилинди, аммо якунда ҳаммаси салбий натижа билан тугади - Марио терма жамоанинг расмий ўйинларига чақирилмади. У хафа, аммо бунинг учун собиқ мураббий Роберто Манчинини айбламайди.
"Манчини доим менга фақат яхшилик қилган. Аммо у фақат ўзи хоҳлаган қарорларни қабул қила олмаган. Агар жамоада менга қарши бўлган футболчилар бўлса, у буни ҳисобга олиши керак. Кимдир мени жамоада бўлишимни истамади, лекин бу Манчини эмас эди. Терма жамоада мен ёмон кўрадиган одамлар бор эди ва улар менга ҳам шундай муносабатда бўлишса керак", - деди Балотелли fcinter1908.it билан суҳбатда.
