"Реал Сосьедад" президенти жорий мавсумда Ла Лигада ўзини кўрсатаётган Такефуса Кубо ҳақида ўз фикрларини билдирди.
"Биз Кубонинг 100% ҳуқуқларига эгамиз ва агар у рози бўлса, унинг шартномасини узайтирмоқчимиз. Агар у сотилса, "Реал Мадрид" трансфер суммасининг 50 фоизини олади. 30 миллион евро? Унинг шартномасида қатъий сотиш миқдори йўқ", - деди функционер.
Аввалроқ мадридликлар уни ёзда 30 миллион еврога жамоага қайтариши мумкинлиги ҳақида хабарлар чиққан эди.