"Гранада"нинг 22 ёшли ярим ҳимоячиси Брайан Сарагоса "Барселона"нинг қизиқишлари доирасида, бу ҳақда Todofichajes саҳифаларида хабар берилган. Футболчи жорий мавсумнинг биринчи қисмидаги ўйини билан "блауграналар"ни ҳайратда қолдирди.
Сарагоса Испания чемпионатининг ўнта учрашувида қатнашиб, бешта гол (биттаси пенальтидан) ва битта голли узатмани амалга оширди.
Брайан "Гранада"да 2022 йилнинг ёзидан буён ўйнамоқда. Футболчи ва клуб ўртасидаги амалдаги меҳнат шартномаси муддати 2027 йилнинг ёзига қадар. Ярим ҳимоячининг трансфер нархи саккиз миллион еврога баҳоланмоқда.