"Милан" ҳужумчиси Рафаэль Леау сентябрь ойида Италия чемпионатининг энг яхши футболчиси деб топилди. Бу ҳақда турнир матбуот хизмати хабар бермоқда.
Ўтган ой португалиялик форвард "россонерилар"нинг бешта учрашувида қатнашди. 24 ёшли футболчи учта гол урди ва иккита голли узатмани амалга оширди. Бу мавсумда Рафаэль ҳисобида 3 та гол ва 4 та голли узатма бор.
Леау 2019 йилнинг ёзида Франциянинг “Лилль” клубидан ўтиб, Милан гранди футболчисига айланди. Томонлар ўртасидаги амалдаги шартнома муддати 2028 йилнинг ўрталаригача мўлжалланган. Португалиялик футболчининг трансфер нархи 90 миллион еврога баҳоланмоқда.
