«Манчестер Юнайтед» бош мураббийи Эрик тен Хаг Европа чемпионлар лигаси гуруҳ босқичи 3-тури доирасида бўлиб ўтган «Копенгаген»га қраши ўйин (1:0) борасида ўз фикрини билдириб ўтди.

«Албатта, бу ақлбовар қилмас ва ажойиб оқшом бўлди. Айниқса, сўнгги сонияларда дарвозамизга пенальти белгиланиб, уни Андре Онана ажойиб сэйв билан бартараф этгани зўр бўлди. У Магуайр каби ажойиб ўйин ўтказди.

Биринчи бўлимни ёмон ўтказдик, аммо хотиржамликни сақлаб қолдик. Иккинчи таймда эса фаолликни оширдик ва рақибга нисбатан кўпроқ вазият яратдик. Якунда эса ғалабани сақлаб қолишга муваффақ бўлдик.

Тўрт ҳимоячи билан одатдагидек ўйин услубига қайтганимизда ўйинимиз кучайишига ишончим комил», — деди тен Хаг.