«Manchester Yunayted» bosh murabbiyi Erik ten Xag Yevropa chempionlar ligasi guruh bosqichi 3-turi doirasida bo‘lib o‘tgan «Kopengagen»ga qrashi o‘yin (1:0) borasida o‘z fikrini bildirib o‘tdi.

«Albatta, bu aqlbovar qilmas va ajoyib oqshom bo‘ldi. Ayniqsa, so‘nggi soniyalarda darvozamizga penalti belgilanib, uni Andre Onana ajoyib seyv bilan bartaraf etgani zo‘r bo‘ldi. U Maguayr kabi ajoyib o‘yin o‘tkazdi.

Birinchi bo‘limni yomon o‘tkazdik, ammo xotirjamlikni saqlab qoldik. Ikkinchi taymda esa faollikni oshirdik va raqibga nisbatan ko‘proq vaziyat yaratdik. Yakunda esa g‘alabani saqlab qolishga muvaffaq bo‘ldik.

To‘rt himoyachi bilan odatdagidek o‘yin uslubiga qaytganimizda o‘yinimiz kuchayishiga ishonchim komil», — dedi ten Xag.