Ярим ҳимоячи Солли Марч ва ҳужумчи Данни Уэлбек яқин келажакда "Брайтон"га ёрдам бера олмайди. Бу ҳақда жамоа бош мураббийи Роберто де Дзерби хабар бермоқда.
“Афсуски, Соллининг жароҳати жуда жиддий. Биз уни узоқ вақт йўқотдик. Уэлбек билан ҳам худди шундай", - деди де Дзерби The Athletic билан суҳбатда.
"Брайтон" ҳозирда Англия чемпионати турнир жадвалида еттинчи ўринни эгаллаб турибди. Роберто де Дзерби шогирдлари навбатдаги ўйинини 26 октябрь куни - Европа лигаси доирасида ўз майдонида "Аякс"га қарши ўтказади. Қитъанинг иккинчи энг юқори клуб турнирининг сўнгги икки турида "чайқалар" битта очкога эга бўлишди.
