"Милан" бош мураббийи Стефано Пиоли Чемпионлар лигаси гуруҳ босқичи 3-турида "ПСЖ"га қарши бўлиб ўтадиган ўйин ҳақида гапирди.
“Бу жуда муҳим учрашув. Биз ҳали ғалаба қозона олмадик, шунинг учун "ПСЖ"га қарши иккита ўйин жуда муҳим бўлади. Биз жуда диққатни жамлаган бўлишимиз, зич ўйнашимиз ва ҳужумда ҳам, ҳимояда ҳам бирликда ҳаракат қилишимиз керак.
Бир неча ой ичида Луис Энрике ақл бовар қилмайдиган ишни амалга оширди. “ПСЖ” авваллари ўз етакчиларига таянарди, лекин у уларнинг ўйин услубини ўзгартирди. Мбаппе юқори тезликда ҳаракат қилишни жуда яхши билади. Биз унинг ниятларини қанчалик яхши башорат қилсак ва узатмаларини тўхтатсак, ундан келиб чиқадиган таҳдидни шунчалик чеклаб қўямиз", - деди Пиоли "Милан" расмий сайтига.
"ПСЖ" бугун "Милан"ни қабул қилади. Учрашув Тошкент вақти билан 23.59да бошланади. 2 турдан кейин Энрике шогирдлари 3 очко билан F гуруҳида 2-ўринда, "Милан" 2 очко билан учинчи ўринда.
