"Milan" bosh murabbiyi Stefano Pioli Chempionlar ligasi guruh bosqichi 3-turida "PSJ"ga qarshi bo‘lib o‘tadigan o‘yin haqida gapirdi.

“Bu juda muhim uchrashuv. Biz hali g‘alaba qozona olmadik, shuning uchun "PSJ"ga qarshi ikkita o‘yin juda muhim bo‘ladi. Biz juda diqqatni jamlagan bo‘lishimiz, zich o‘ynashimiz va hujumda ham, himoyada ham birlikda harakat qilishimiz kerak.

Bir necha oy ichida Luis Enrike aql bovar qilmaydigan ishni amalga oshirdi. “PSJ” avvallari o‘z yetakchilariga tayanardi, lekin u ularning o‘yin uslubini o‘zgartirdi. Mbappe yuqori tezlikda harakat qilishni juda yaxshi biladi. Biz uning niyatlarini qanchalik yaxshi bashorat qilsak va uzatmalarini to‘xtatsak, undan kelib chiqadigan tahdidni shunchalik cheklab qo‘yamiz", - dedi Pioli "Milan" rasmiy saytiga.

"PSJ" bugun "Milan"ni qabul qiladi. Uchrashuv Toshkent vaqti bilan 23.59da boshlanadi. 2 turdan keyin Enrike shogirdlari 3 ochko bilan F guruhida 2-o‘rinda, "Milan" 2 ochko bilan uchinchi o‘rinda.