"Реал Мадрид"да икки карра қайғу - Флорентино Переснинг энг яқин ёрдамчиси, клуб вице-президенти 84 ёшда бўлган Фернандо Тапиас (суратда - Пересдан ўнгда), шунингдек, клубнинг собиқ футболчиси, аргентиналик Карлос Герини 74 ёшида вафот этди.
1938 йилда Вигода туғилган Тапиас 1993 йилда “Реал Мадрид” бошқарувига келиб қўшилганди, 2000 йилда эса клубга Флорентино Перес келганда вице-президентга айланганди.
Геринига келсак, у "Реал Мадрид" ва умуман испан футболи учун қоронғу вақтда - 70 йилларнинг иккинчи ярмида клуб футболкасини кийган. Аммо у уч марта (1976, 1978 ва 1979) чемпион бўлди ва "Реал Мадрид" сафида 85 ўйинда ўн бир гол урди.
