"Челси" бош мураббийи Маурисио Почеттино дарвозабон Роберт Санчеснинг кайфияти ҳақида гапирди.
Яқинда "Арсенал"га қарши ўйинда испаниялик дарвозабон қўпол хатога йўл қўйди ва бу якунда очко йўқотилишига сабаб бўлди.
“Санчес мутлақо хотиржам ва эркин. Биз унинг қанчалик яхши эканини биламиз ва ёрдам бериш учун шу ердамиз. Футболда хатоликлардан ҳеч ким ҳимояланмаган, бутун жамоа масъулиятни ўз зиммасига олади.
Муайян ўйинчига нисбатан айбловлар жамоага, менга қарши айбловлардир, лекин бир футболчига эмас. Роберт биз хоҳлаган нарсани қилади, лекин баъзида хатолар бўлиши мумкин", - дея Почеттино сўзларини келтирмоқда Standard.
