"Челси" ярим ҳимоячиси Конор Галлахер жамоанинг жорий мавсумдаги мақсадлари ҳақидаги саволга жавоб берди.

Охирги мавсум якунига кўра, "кўклар" Премьер-лигада 12-ўринни эгаллаб, еврокубокларсиз қолди. Галлахернинг фикрича, "Челси" Маурисио Почеттино бошчилигидаги дебют мавсумида Чемпионлар лигасига қайтишга қодир.

“Чемпионлар лигасига қайтиш? Ҳа, буни амалга ошириш мумкин. Бу қийин бўлади, чунки биз ҳали ҳам топ-жамоалардан орқадамиз, лекин "Челси"нинг ривожланиши давом этмоқда - биз бирга ўйнаш орқали бир-биримизни яхшироқ билиб оламиз. Кучли тўртликка киришни албатта мақсадимиз деб ҳисоблаш мумкин. Бунинг учун бизда етарлича кучли жамоа бор”, деди ярим ҳимоячи TNT Sports телеканалига берган интервьюсида.

“Челси” ҳозирда 9 турдан кейин 12 очко билан ўнинчи ўринда бормоқда.