"Челси" бош мураббийи Маурисио Почеттино унинг жамоаси ҳали интилаётган нарсадан узоқда эканлигини айтди. Англия Премьер-лигасининг сўнгги уч турида "кўклар" етти очко жамғарган бўлса-да, турнир жадвалида ҳамон ўнинчи ўринда бормоқда.

"Биз ҳали ҳам яхшиланмоқдамиз ва биз хоҳлаган жойдан узоқмиз. Ритмни сақлаб қолиш жуда муҳимдир. "Брентфорд"га қарши ўйинда биз ижобий динамикани сақлаб қолишимиз мумкинлигини ўзимизга исботлаш учун ажойиб имкониятга эга бўламиз" - деди Почеттино матбуот анжуманида.

Эслатиб ўтамиз, бугун "Челси" АПЛнинг навбатдаги тури доирасида ўз уйида "Стэмфорд Бриж"да "Брентфорд"ни қабул қилади.