Суперлиганинг 23-туридан ўрин олган “Андижон” – ОКМК (0:1) учрашувидан сўнг меҳмонлар бош мураббийи Миржалол Қосимов ўз фикрларини билдириб ўтди.

“Учрашув осон бўлгани йўқ. “Андижон” асосан узун узатмалар ва курашга асосланган ўйин кўрсатади. Биз бунга яхши тайёрланган эдик. “Навбаҳор” билан ҳам, “Пахтакор” билан беллашувларда ҳам мезбонлар ҳимоядан ҳаракат қилишган эди. Муҳим 3 очкони қўлга киритдик, иккинчи бўлимда ғалабани сақлаб қолишга интилдик.

Жамоамизда ўзига яраша муаммолар мавжуд. 10 га яқин футболчиларимиз жароҳатини даволатиш билан банд. Футбол – жамоавий спорт тури ва контактлар бўлади. Жароҳатлар учраб туриши табиий. Бу ҳам бир синов”, – деди Қосимов.