Футбол бўйича Ўзбекистон Суперлигасининг 23-турида “Пахтакор” 29 октябрь, якшанба куни “Бухоро” майдонига сафар қилди.
Учрашувнинг 90 дақиқаси давомида дарвозалар ишғол этилмади. Бироқ, ўйин якунида ҳакам қўшиб берган дақиқаларда “Пахтакор” фойдасига пеналти белгиланди. 90+6-дақиқада Драган Черан пеналтини ноаниқ амалга оширди, лекин қайтган тўп яна Чераннинг ўзига тушди. Ҳужумчи бу сафар дарвозани аниқ нишонга олди ва жамоасининг ғалабасини таъминлади.
“Шерлар” очколари сонини 49 тага етказиб, мусобақа пешқадамлигини мустаҳкамлади. “Бухоро” эса 15 очко билан энг сўнгги ўринни эгаллаб турибди.
