Англия Премьер Лигасининг 10-туридан ўрин олган ўйинлар 29 октябрь, якшанба куни бўлиб ўтди.

“Манчестер Сити” дербида “Манчестер Юнайтед”га қарши баҳс олиб борди. Учрашувнинг 26-дақиқасида Эрлинг Ҳоланд пенальтини аниқ амалга ошириб, “шаҳарликлар”ни ҳисобда олдинга олиб чиқди. Иккинчи бўлимда бошида норвегиялик ҳужумчи дублни расмийлаштирди. 80-дақиқада Фил Фоден ҳисобни йирик кўринишга олиб келди. Ушбу гол ўйиндаги сўнггиси бўлди ва якунда “Манчестер Сити” ғалаба қозонди.

Пеп Гвардиола жамоаси очколарини 24 тага етказди ва 3-ўринда бормоқда. “Қизил иблислар” эса 15 очко билан 8-поғонани банд этган.

АПЛ, 10-тур
29 октябрь, якшанба
“Манчестер Юнайтед” — “Манчестер Сити” 0:3
Голлар: 0:1 – 26 Ҳоланд (пенальти), 0:2 – 49 Ҳоланд, 0:3 – 80 Фоден.
“Манчестер Юнайтед”: Онана, Диогу Далот, Эванс, Магуайр, Линделеф (Регилон, 73), Антони, Эриксен, Бруну Фернандеш, Амрабат (Маунт, 46), Мактоминей, Марсял, Рэшфорд, Ҳейлунд (Гарначо, 73).
“Манчестер Сити”: Эдерсон, Уокер, Стоунз, Рубен Диаш, Гвардиол, Ковачич, Доку, Грилиш, Бернарду Сильва, Родри, Фоден, Ҳоланд, Альварес.
Огоҳлантиришлар: Онана (26), Амрабат (42), Фоден (42), Антони (90+2), Бруну Фернандеш (90+3).