Томас Тухель «Олтин тўп»га унчалик аҳамият бермайди.

30-октябрь куни 2023 йилги «Олтин тўп»ни топшириш маросими бўлиб ўтди. Унда «Интер Майами» ҳужумчиси Лионель Месси ғалаба қозонди.

«Кеча мен «Олтин тўп»ни топшириш маросими бўлаётганини билдим. Биз мукофот олган барчани ҳурмат қиламиз. Биз футболчиларимизни тезроқ шоҳсупага олиб чиқиш учун барча имкониятларни ишга соляпмиз.

Лекин шахсий совринлар ҳақидаги фикрим ҳаммага маълум», - деди «Бавария» устози.

Тухель аввалроқ футболдаги индивидуал мукофотлар тушунчасини танқид қилганди: «Индивидуал мукофотлар борасида катта шубҳалар бор. Битта ўйинчи ҳамма нарсада ғалаба қозона олмайди», – деди Тухель.