"Манчестер Юнайтед" бош мураббийи Эрик тен Хаг "Ньюкасл"дан учралган мағлубият (0:3) ҳақида фикр билдирди.
Лига кубогининг амалдаги ғолиблари янги турнирдаги ўйинларини 1/8 финал босқичидаёқ якунлашди.
“Жамоа етарлича яхши ўйнамаганини биламиз. Биз ҳаммамиз, шу жумладан мен ҳам масъулиятни ўз зиммамизга олишимиз керак. Мухлисларимиздан узр сўраймиз.
Ишончим комилки, футболчилар бирлаша олишади. Биз буни биргаликда енгишимиз керак. Ишонч истак мавжуд бўлганда пайдо бўлади. Муваффақиятга эришиш учун бирлашиш ва интизомли бўлишдан бошқа йўл йўқ”, деди Тен Хаг.
