"Арсенал" бош мураббийи Микель Артета "Вест Хэм"га (1:3) қарши кубок ўйинида жамоанинг ҳаракатларидан хафа бўлди.
"Канонирлар" Лига Кубогининг 1/8 финал босқичидан чиқиб кетишди.
“Жуда ҳафсалам пир бўлди, масъулиятни ўз зиммамга оламан. Бу ёмон ўйин эди. Мен 48 соат давомида ўйинчиларни ушбу ўйин қанчалик муҳим эканлигига ишонтиришга ҳаракат қилдим.
Биз кўрсатишимиз керак бўлган даражадан йироқ эдик. Бу футбол, бу ердаги ҳар бир ўйин ўзига хос. Яқинда "Шеффилд Юнайтед" устидан қозонилган ғалаба [5:0] ўтмишда қолди ва уни ахлат қутисига ташлаш мумкин", деди Артета Sky Sports нашрига берган интервьюсида.
