"Манчестер Юнайтед" бош мураббийи Эрик тен Хаг Лига кубоги 1/8 финалида "Ньюкасл"дан учралган мағлубиятдан сўнг (0:3) манкунианлик мухлисларга мурожаат қилди.

Нидерландиялик мутахассис клуб учун шундай оғир даврда қўллаб-қувватлаганликлари учун мухлисларга миннатдорчилик билдирди. Тен Хагнинг таъкидлашича, "қизил иблислар" ўз натижаларини яхшилашга интилади.

“Бизни қўллаб-қувватлаганингиз учун ташаккур. Биз ҳозир бунга лойиқ эмасмиз, чунки биз қўлимиздан келганича ҳаракат қилмаяпмиз. Биз ҳаракат қиламиз. Аммо топ-футболда ҳаракат қилишнинг ўзи етарли эмас. Биз буни биламиз", - дея Тен Хагнинг сўзларини келтиради «Манчестер Юнайтед» расмий сайти.

АПЛнинг 10-туридан сўнг “Манчестер Юнайтед” 15 очко жамғариб, турнир жадвалида саккизинчи ўринни эгаллаб турибди. Манкунианликлар навбатдаги ўйинини 4 ноябрь куни "Фулхэм"га қарши ўтказади.