«Ан-Наср» клуби ҳужумчиси Криштиану Роналду ва унинг қаллиғи Жоржина Родригесга тегишли Испаниядаги клиника солиқларни тўлашдан бош тортганликда айбланмоқда.

Испания солиқ хизмати "Insparya Hair Medical Clinic" клиникалар тармоғига нисбатан иш очди. Маълумотларга қараганда, клиники 2019-2021 йилларда камида 218 нафар мижозга қўшимча қиймат солиғини кўрсатмаган ҳолда чек берган.

Испания қонунчилигига кўра, соч экиш хизмати тиббий хизмат сифатида малакаланган ва у ҚҚСга тортилмайди. Аммо солиқ инспекцияси соч экишни косметика хизмати дея билади ва шунинг учун Роналду ва Жоржинага тегишли клиникани 21 % миқдорида солиқ тўлаши керак дея ҳисобламоқда.

"Insparya Hair Medical Clinic" эса солиқ қонунчилигига тўла риоя этишини маълум қилди ва Бутунжаҳон соғлиқни сақлаш ташкилоти ва тегишли мутахассисларнинг хулосасини тақдим этган ҳолда соч тўкилиши эстетис камчилик эмас, айнан тиббий касаллик эканини исботлашга уринди.

Маълумотларга қараганда, клиникида соч экиш билан боғлиқ операция нархи 4500-8750 евро атрофида.