ЦСКА ҳужумчиси Виктор Давила жамоадоши, ҳамюртимиз Аббосбек Файзуллаевнинг ўйини ҳақида фикр билдирди.
Чилилик футболчи Файзуллаевни ватандоши, аввалроқ “Барселона”, “Арсенал” ва “Манчестер Юнайтед” клубларида ўйнаган “Интер” ҳужумчиси Алексис Санчес билан солиштиришга уринди.
"Аббос ажойиб футболчи, ажойиб фаолиятини бошида. Умид қиламизки, Аббос ҳам Алексисдек мартаба қура олади ва балки у Санчесдан ҳам яхшироқ бўлар", - деди Давила "РБ Спорт" билан суҳбатда.
Жорий мавсумда 20 ёшли Файзуллаев ЦСКА сафида 13 та ўйинда майдонга тушиб, битта гол урди ва 6 та голли узатмани амалга оширди.
