Марсель Забитцер Эрик тен Хагнинг мураббийлик маҳорати ҳақида ижобий фикр билдирди.
«Сиз уни эрталаб соат учда уйғотишингиз мумкин ва у сизга бутун ўйин режасини ёддан айтиб беради. У футбол ва тактикани жуда яхши биладиган, жуда меҳнаткаш, перфекционист.
Ёмон ўйин ўтказсам, у менга баъзи вазиятларни кўрсатиб, кейинги сафар нима қилишим кераклигини айтди. Менга бу ёқади. Сиз қандай вазиятда эканлигингизни у билади.
У ҳеч қачон ҳамма айбни сизга юкламайди. Бунинг ўрнига у ташқарига чиқиб, кейинги сафар яхшироқ ўйнашни айтади.
Унинг қўл остида ишлаганимда футбол ҳақида кўп нарсаларни ўргандим. У жуда яхши мураббий», - деди 2022/23 йилги мавсумнинг ярмини «Манчестер Юнайтед»да ўтказган ярим ҳимоячи.